Rustam Assakalov: "Yigitlarim bilan faxrlanaman"

O'zbekiston terma jamoasi azolari 3 ta oltin, 2 ta kumush va 1 ta bronza medalini qo'lga kiritgan holda tarixdagi eng yaxshi natijani qayd etishdi. Terma jamoamiz bosh murabbiyi Rustam Assakalov musobaqadan keyin o'z fikrlari bilan o'rtoqlashdi.

"Osiyo chempionati yakunlarini sarhisob qila turib, bu O'zbekiston terma jamoasining muvaffaqiyatli chiqishi edi, deb bemalol ayta olaman. Men yigitlarim bilan faxrlanaman. Barcha shohsupadan joy olish uchun kurashdi va bunga erisha olmaganlarga aytmoqchimanki, siz boshqalardan yomon emassiz. Gilamda maksimal darajangizni ko'rsatishingiz, g'alaba qozonishni xohlashingiz kerak, garchi o'zingizni yomon his qilsangiz ham. G'alabalarning asosiy jihati — bu xarakter va g'alaba qozonish istagi! SHundagina darajangiz pastroq bo'lsa ham, har qanday kurashchini engishingiz mumkin", deb yozdi Assakalov.

Malumot o'rnida, Rustam Assakalov Parij Olimpiadasidagi ishtirokidan so'ng yunon-rum kurashi bo'yicha O'zbekiston terma jamoasiga bosh murabbiy etib tayinlangan edi.