13 iyu 17:17
Yangiliklar

Sport kurashlari

Rustam Assakalovni tabriklaymiz!

Bugun tajribali yunon-rim kurashchimiz, jahon chempionatining ikki karra sovrindori, Osiyo o'yinlari g'olibi Rustam Assakalov o'z tavallud ayyomini nishonlayapti.

Rustam Assakalov 1984 yil 13 iyul kuni dunyoga kelgan. Xalqaro toifadagi sport ustasi. "Dinamo" klubi azosi. Murabbiylari - Vladimir Xolodaev, Kamil Fatkullin, Ravshan Ro'ziqulov.

Assakalov 2015 yil AQSHning Las-Vegas, 2019 yilda Qozog'istonning Nur-Sultan shahrida o'tkazilgan jahon chempionatlarining mos ravishda kumush va bronza medallari sohibi hisoblanadi. U 2014 yilgi Incheondagi Osiyo o'yinlarida chempionlik shoxsupasiga ko'tarilgan. 2018 yil Jakartada o'tgan Osiyo o'yinlarida kumush medal bilan taqdirlangan.

Bugungi kun qahramoni 2013 yil Nyu-Deli, 2015 yilda Doha shahri mezbonlik qilgan Osiyo chempionatida barcha raqiblarini mag'lubiyatga uchratib, oltin medalni qo'lga kiritgan. U shuningdek, Osiyo chempionatlarining ikki karra kumush hamda bronza medallariga ham ega chiqqan. 2017 yil Bokudagi Islom Birdamlik o'yinlarining bronza medaliga sazovor bo'lgan. O'tgan yilgi jahon chempionatida Tokio Olimpiadasi yo'llanmasini naqd qilgan.

Fursatdan foydalanib, Rustam Assakalovni bugungi tavallud kuni bilan muborakbod etamiz.