Safina Sadullaeva "Brilliant liga" finali uchun kvalifikaciyadan o'ta olmadi, Anvar Anvarov bugun "oltin" darajadagi musobaqada qatnashadi

Final oldidan o'tkazilgan so'nggi bosqichda balandlikka sakrash dasturida O'zbekiston terma jamoasi azosi Safina Sadullaeva ham ishtirok etib, 1.89 m natija bilan to'rtinchi bo'ldi.

Safina o'z chiqishi orqali 5 ochko ishlab oldi va kvalifikaciya jadvalida 14 ochko bilan 8-o'rinni egalladi. Afsuski, bu natija Sadullaeva uchun 13-14 sentyabr kunlari Belgiyaning Bryussel shahrida bo'lib o'tadigan "Brilliant liga" final bosqichida ishtirok etish uchun kamlik qiladi.

Bugun Xorvatiyada Butunjahon engil atletika federaciyasining taqvimidan o'rin olgan “oltin” darajadagi xalqaro musobaqa bo'lib o'tadi. Unda hamyurtimiz Anvar Anvarov uzunlikka sakrash dasturida o'z omadini sinab ko'radi.