Sahro bag'ridan chiqayotgan chempionlar

Jumladan, Navoiy viloyatida ham dzyudoga qaratilayotgan etibor natijasida ushbu yakkakurash turiga mehr qo'yayotgan yoshlar safi kengayib bormoqda. Viloyatning birgina butun sobiq Ittifoqda mashhur bo'lgan Uchquduq shahri misolida olsak, mittigina "oltin hudud"dan turli yosh toifasidagi mamlakat chempionlari, xalqaro musobaqa g'olib va sovrindorlari etishib chiqqaniga guvoh bo'lamiz. 

Mahalliy yoshlarga oliy toifali murabbiyi, "SHuhrat" medali sohibi Alisher SHodmonov dzyudo sir-asrorlarini o'rgatib kelmoqda. Alisher akaning shogirdlaridan uch nafari - Iroda Jumanova, Dilnoza Kamolova va Mahliyo Mannonova Zulfiya nomidagi Davlat mukofotiga loyiq ko'rilishgan. 

"Navoiy tog' metallurgiya kombinatiga qarashli "Lochin" sog'lomlashtirish sport majmuasida yoshlarga dzyudo sir-asrorlarini o'rgatib kelyapmiz. Bizda sportga etibor yuqorida darajada. Bosh homiyimiz Navoiy tog' metallurgiya kombinati viloyat chempionti, Respublika miqyosidagi turnirlar, O'zbekiston chempionati va kubogi, shuningdek, yurtimizdan tashqarida o'tkaziladigan musobaqalar, o'quv-mashg'ulot yig'inlariga pul ajratadi. Men sanab o'tgan musoboqalarga o'z hisobimizdan borish mumkin emas. SHaroitimiz havas qilgudek darajada. Biz shug'ullanadigan sport maskani Navoiy shahridan 320 kilometr uzoqlikda, olis cho'l hududida joylashgan. Bu erda dzyudo bilan ikki yuzga yaqin yoshlar shug'ullanadi. Ulardan 30 nafarini qizlar tashkil etadi. CHo'l hududi bo'lishiga qaramay, bizdan ko'plab O'zbekiston chempionlari, Osiyo chempionati hamda Kubogi g'olib va sovrindorlari etishib chiqqan va bugungi kunda ham davom etmoqda. Qizlarimizdan uch nafari Zulfiya nomidagi Davlat mukofotiga loyiq ko'rilgan. Uchchalasi ham uchkuduqlik qizlar. Iroda Jumanova hozirda Nizomiy nomidagi Toshkent davlat Pedagogika universitetida, Dilnoza Kamolova Ichki ishlar vazirligi akademiyasida, Mahliyo Mannonova esa Jismoniy tarbiya institutida tahsil olyapti va parallel ravishda Milliy Gvardiyada ishlayapti. SHogirdlarimizdan Sardor Toshimov, Sabrina Qo'ldosheva, Umida Normurodova, Marjona Tursunova, opa-singil Gulasal va Gulina Obloqulovalar yoshlar hamda kattalar o'rtasida O'zbekiston chempioni va sovrindori bo'lishgan. Asosiy maqsadimiz - jamiyatimizga har tomonlama sog'lom, komil insonlarni tayyorlash, terma jamoalarga munosib nomzodlarni etkazib berishdan iborat", - deydi Alisher SHodmonov. 

Ishonchimiz komil, yaratilayotgan sharoitlardan unumli foydalangan holda uchquduqlik yoshlar xalqaro musobaqalarda ham o'z so'zlarini aytishadi. 

O'zbekiston dzyudo federaciyasi matbuot xizmati