Saidjamshid Jafarov ishtirokidagi jang to'liq davom etdi

Turnirning markaziy jangi hamyurtimiz Saidjamshid Jafarov hamda mezbon bokschi Talgat SHayken o'rtasida kechdi. Aslida Jafarov ushbu boks oqshomida qozog'istonlik Olimpiada chempioni Daniyar Eleussinovga qarshi ringga ko'tarilishi lozim edi. Ammo Eleussinovning jarohati raqib o'zgarishiga sabab bo'ldi. 

To'liq davom etgan jangda charm qo'lqop ustamiz Talgat SHaykenga prof faoliyatidagi ilk mag'lubiyatni taqdim etdi. Jafarov hakamlarning ayri qarori bilan g'alaba qozonib, vakant bo'lib turgan IBA Asia kamari sohibiga aylandi. SHayken o'z vaqtida yoshlar o'rtasida WBC chempionlik kamari sohibi bo'lgan.