Saidjamshid Jafarovning prof boksdagi debyut jangi to'liq davom etdi

Turnir doirasida o'zbekistonlik charm-qo'lqop ustasi Saidjamshid Jafarov ringga chiqdi.

Unga rossiyalik Gor Oganesyan raqiblik qildi.

Birinchi o'rta vazn toifasidagi jang 6 raund etib belgilangandi. Bokschilar o'rtasidagi to'liq davom etgan bellashuv yakunida hamyurtimiz ochkolar hisobiga ko'ra g'alaba qozondi.

Bu Jafarov uchun prof faoliyatidagi ilk jangi bo'ldi. SHu tariqa, u professional faoliyatini g'alaba bilan boshladi.

Oganesyan esa bugun faoliyatidagi to'rtinchi jangida ikkinchi mag'lubiyatini qabul qilib oldi.