27 jan 08:29
Yangiliklar
Boks/MMA
Saidyoqub Qahramonov AQSHda navbatdagi jangini o'tkazdi
AQSHning Mayami shahrida jangovar karate bo'yicha Karate Combat 44 musobaqasi o'tkazilmoqda.
Musobaqaning ikkinchi asosiy jangida (co main event) hamyurtimiz, UFC sobiq jangchisi Saidyoqub Qahramonov ishtirok etdi.
Qahramonovga amerikalik Peter Kaballero (14-6-0) raqiblik qildi.
3 raundlik jang to'liq davom etdi va unda jangni to'liq nazorat qilib, ustunlikka erishgan Saidyoqub Qahramonov hakamlarning yakdil qarori bilan g'alaba qozondi.
Bu Saidyoqub uchun Karate Combat ligasidagi ikkinchi jangida qo'lga kiritilgan ikkinchi g'alaba bo'ldi.
Eslatib o'tamiz, Saidyoqub Qahramonov 2021-2022 yillar davomida UFC'da uchta jang o'tkazgan va 2 ta g'alaba, 1 ta mag'lubiyat qayd etgan.
Havola :
Manba : olamsport.com
Fikrlar