Saidyoqub Qahramonov qisqa vaqt ichida navbatdagi jangini elon qildi. Keyingi raqib - UFC sobiq jangchisi!

29 yoshli hamyurtimiz Toshkent vaqti bilan 18 may tongida AQSHning Michigan shtati, Flint shahrida tashkil etiladigan WXC 97 (Warrior Xtreme Cagefighting) turnirida oktagonga ko'tariladi. Bu haqda Saidyoqubning o'zi X (Twitter) sahifasi orqali xabar berdi.

Unga o'sha kuni amerikalik UFC sobiq jangchisi Xose Jonson raqib bo'ladi. Bu Jonson uchun UFC'ni tark etdagidan keyingi ilk jang bo'ladi.

Saidyoqub 28 mart kuni bir yillik tanaffusdan keyin MMA bo'yicha jangda ishtirok etib, XFC 52 turniri doirasida braziliyalik Bruno Santosni mag'lub etgandi. Samarqandlik sportchi 2021-2022 yillar davomida UFC'da 3 ta jang o'tkazib, 2 g'alaba va 1 mag'lubiyat qayd etgan. Uning umumiy rekordi 12 g'alaba va 3 ta mag'lubiyatdan iborat.

Qahramonov bilan tengdosh Xose Jonson esa UFC'da 2023-2025 yillar oralig'ida 4 ta jang o'tkazib, 1 ta g'alaba va 3 ta mag'lubiyatni o'z hisobiga yozdirgan. Prof faoliyatini 2016 yilda boshlagan sportchi hozirga qadar umumiy 16 ta g'alaba va 10 ta mag'lubiyatni qayd etgan.