10 iyu 13:40
Yangiliklar

Engil atletika

Sakkiz karra Olimpiada chempioni Useyn Bolt jarohat oldi, uni zambilda olib chiqib ketishdi + FOTO

Teglar : Useyn Bolt

Dunyoning eng tez yuguradigan sprinterlaridan biri Useyn Bolt futbol xayriya uchrashuvida jarohat orttirib oldi.

Yamaykalik afsonaviy engil atletikachi 8 karra Olimpiada, 11 karra jahon chempioni hisoblanadi. Kecha Angliya va jahon afsonalari o'rtasida futbol bo'yicha xalqaro xayriya o'yini bo'lib o'tgandi. Bolt jahon afsonalari terma jamoasi tarkibida markaziy himoyachi poziciyada o'ynadi. U taniqli hujumchi Jermeyn Defo bilan to'qnashuvda jarohat orttirib oldi. SHifokorlar Useynni maydondan zambil yordamida olib chiqib ketishgan.

Eslatib o'tamiz, Bolt sportchilik faoliyati davomida 8 ta jahon rekordini yangilashga muvaffaq bo'lgan. Useyn 100 va 200 metr sprinterlik masofasida ketma-ket uchta Olimpiadada (Pekin-2008, London-2012 va Rio-de-Janeyro-2016) oltin medallarini qo'lga kiritgan yagona sportchi hisoblanadi.