Salim Abduvaliev yunon-rum kurashchilarimiz bilan uchrashdi + FOTO

Ushbu qo'shma yig'in O'zbekiston va Qirg'iziston sport kurashlari associaciyalari o'rtasidagi o'zaro kelishuvga asosan o'tkazilmoqda. Bugun har ikki qardosh mamlakat yunon-rum kurashchilarining mashg'ulotiga O'zbekiston sport kurashlari associaciyasi raisi Salim Abduvaliev tashrif buyurdi. Unga associaciya raisi o'rinbosari Farrux Nasirxodjaev va Bosh kotib SHuhrat Mamadaliev hamrohlik qildi.     

Salim Kirgizbaevich O'zbekiston Respublikasi Milliy gvardiyasi “Dinamo” jismoniy tarbiya va sport jamiyati kurash zalida o'tayotgan mashg'ulotlarni bevosita kuzatib bordi va uning yakunida murabbiylar hamda kurashchilar bilan suhbatlashdi.  

Xususan, murabbiy va kurashchilarimiz bilan suhbat chog'ida Tokio Olimpiadasi tahlili, bo'lajak Osiyo o'yinlari hamda Parij-2024 Olimpiya o'yinlariga tayyorgarlik masalalari muhokama qilindi.