Samarqandlik o'smirlar O'zbekiston chempionatida birinchi bo'lishdi

Uch kun davomida Qoraqalpog'iston Respublikasi, barcha viloyatlar hamda Toshkent shahridan jami 700 nafarga yaqin dzyudochilar 10 tadan 20 ta vazn toifasida musobaqa medallari uchun tatamiga chiqishdi. 

Musobaqa yakuniga ko'ra, o'smirlar o'rtasida Samarqand viloyati terma jamoasi birinchi o'rinni egalladi. Qo'hna va hamisha navqiron keng vakillari uch kunlik bellashuvlarda 2 ta oltin, 2 ta kumush, 3 ta bronza medalini qo'lga kiritishdi. Toshkent viloyati dzyudochilari 2 ta oltin, 1 ta kumush, 1 ta bronza medali bilan ikkinchi o'rinni band etishgan bo'lsa, kuchli uchlikka 2 ta oltin va 2 ta bronza medali bilan mezbonlar - Farg'ona viloyati vakillari yakun yasashdi. 

Keyingi o'rinlarni egallagan Xorazm, Qashqadaryo, Andijon viloyatlari hamda Toshkent shahri jamoalari tarkibida bir nafardan O'zbekiston chempioni bo'ldi. Umumiy olganda, to'qqiz viloyati dzyudochilari mamlakat chempionatining g'olib va sovrindorlari safidan joy olishdi.