10 mar 16:36
Yangiliklar
Sanjar Rahmonovning navbatdagi jangi qachon bo'lib o'tadi?
Uch yildan beri faoliyatini AQSHning Las-Vegas shahrida davom ettirayotgan charm qo'lqop ustamiz tatilni maroqli o'tkazish maqsadida o'zi tug'ilib o'sgan Andijonga qaytgandi. Ayni paytda u Toshkentda mashg'ulotlarini olib boryapti.
Bugun saytimiz mehmoni bo'lgan Rahmonov ko'plab savollar qatori o'zining navbatdagi jangini qachon o'tkazishiga ham oydinlik kiritdi. Reja bo'yicha jang may oyida Las-Vegas shahrida bo'lib o'tadi. Hozirda uning menejerlari nomzod raqib bokschilarining jamoasi bilan muzokara olib borishyapti.
“Toshkentga qaytishimdan oldin Floyd Meyvezer bilan bir emas, uch marotaba uchrashdim. Suhbatimizning asosiy mavzusi aynan mening navbatdagi jangim masalasi bo'ldi. U mendan chempionlik kamari uchun jangga tayyormisan deb so'radi. Men unga yana 2-3ta jangdan so'ng deb javob berdim”, - dedi engilmas bokschimiz Rahmonov.
Malumot uchun, afsonaviy Floyd Meyvezer klubi nomidan janglarda ishtirok etib kelayotgan Sanjar Rahmonov professional boksdagi faoliyati davomida 11ta jang o'tkazgan bo'lib, shularning 10tasida g'alaba qozongan. Bitta jangda esa durang natija qayd etilgan.
Fikrlar