Sen-Per Dana Uayt Xabib borasida yolg'on gapirganini aytdi

"Xabib faoliyatini yakunlagandan so'ng Dana menga qo'ng'iroq qildi va "u bilan jang qilish qiziqmi?" deb so'radi. Bu menga g'alati tuyuldi. Men ishonmadim. Undan so'radim: “Xabib rostdan ham bu jangni xohlayaptimi?” U “ha” deb javob berdi. Men esa o'ylab ko'raman dedim. Keyin Ali Abdelazizga qo'ng'iroq qildim, u esa bu rost emasligini aytdi", — dedi u Ariel Xelvaniga bergan intervyusida.

"Biz birinchi marta UFC'dan bu jangni tashkil qilishni so'raganimizda, ular rozi bo'lmagan. Xabib ketganidan keyin Dana buni uyushtirishga urinib ko'rdi. CHunki ikkimiz ham nafaqadamiz va u bizni qaytarmoqchi bo'ldi. Agar Xabib rozi bo'lganida men ham rozi bo'lardim. Menda boshqa iloj qolmasdi", - dedi Sen-Per.

Eslatib o'tamiz, Sen-Per 2019 yil fevralda, Xabib esa 2020 yil oktyabrda faoliyatini rasman yakunlagan.