Sergey Fomin Antaliya turniri vice-chempioni

Mukofot jamg'armasi 15 000 dollarni tashkil etuvchi ushbu musobaqada hamyurtimiz Sergey Fomin ham o'z omadini sinab ko'rdi. Mamlakatimizning ikkinchi raketkasi finalga qadar mag'lubiyatsiz etib borib, musobaqa vice-chempioniga aylandi. Yarim final ham, final ham bir kunda, qandaydir olti soat oralig'ida o'tkazildi.   

Uch set davom etgan uchrashuvda Sergey Fomin reytingda o'zidan 224 pog'ona yuqorida borayotgan qozog'istonlik tajribali Dmitriy Popkoga 4/6, 6/3, 2/6 hisoblarida yutqazib qo'ydi. Popko ATP reytingida 504, Fomin esa 728-pog'onadan joy olgandi. 

Eslatib o'tamiz, Sergey Fomin Antaliya turnirida musobaqaning ikkinchi raketkasi, niderlandiyalik Maks Xuksni 6/4, 5/7, 6/1, 1/8 finalda argentinalik Lucho Karnevalleni 6/2, 6/1, 1/4 finalda rossiyalik Denis Klokni 7/5, 6/2, 1/2 finalda esa rossiyalik Evgeniy Tyurnevni 6/2, 6/3 hisoblarida mag'lubiyatga uchratgan edi.