Sergey Fomin Misrdagi turnir yarim finaliga yo'l oldi

Turnirda mamlakatimizning birinchi raketkasi Sergey Fomin ham o'z imkoniyatini sinovdan o'tkazyapti. Musobaqada birinchi raqam ostida saralangan tennischimiz 1/8 finalda belgiyalik Aleksandr Blokni 7/5, 6/0 hisobida mag'lub etib, chorak finalga yo'l olgandi. 

Bugun Fomin turnirning 1/4 final bosqichida avstriyalik Lukas Krainerga qarshi kortga chiqdi. 1 soat 15 daqiqa davom etgan o'yinda Fomin raqibini 6:3, 6:2 hisoblarida mag'lubiyatga uchratdi va yarim finalga yo'l oldi. 

Malumot uchun, ayni vaqtda Sergey Fomin jahonning 371-raketkasi bo'lib turgan bo'lsa, Lukas Krainer ATR reytingida 743-pog'onani band etgan. 

Endi Fomin yarim finalda rossiyalik Marat SHaripovga qarshi kortga chiqadi.