25 iyu 12:31
Yangiliklar

Boks/MMA

SHahram G'iyosovning navbatdagi raqibi va jang sanasi malum. U Isroil Madrimovning anderkardida ringga chiqadi

31 iyul kuni AQSHning Santa-Monika shaharchasida "Riyadh Season" musobaqalar turkumi doirasida prof boks oqshomi tashkil etiladi.

Markaziy jangi amerikalik Terens Krouford va super yarim o'rta vazn toifasida WBA chempioni Isroil Madrimov o'rtasida kechadigan oqshomning anderkardi aynan 31 iyul kuni tashkil etiladi.

O'sha kuni dastlab, Terens Krouford va Isroil Madrimov ishtirokida ochiq mashg'ulotlar bo'lib o'tadi, so'ngra, anderkarddan o'rin olgan uchta jang tashkil etiladi.

Ulardan birida yarim o'rta vazn toifasidagi hamyurtimiz SHahram G'iyosov ringga chiqadi. SHahramga meksikalik Migel Perra raqiblik qiladi.

Malumot uchun, 31 yoshli SHahram G'iyosov prof boksda 15 ta jang o'tkazib, ularning barchasida zafar quchgan. Uning raqibi esa 27 ta jangda 22 ta g'alaba, 4 ta mag'lubiyat va 1 ta durang qayd etgan.