SHahzodbek Sobirov Toshkent Gran-prisidagi ishtirokini to'xtatdi

Xabar berganimizdek, bugun erkaklar -90, -100 va +100, ayollar esa -78 hamda +78 kg vazn toifalarida tatamiga chiqishyapti. Biroz avval -90 kg vaznda yurtimiz sharafini himoya qilgan SHahzodbek Sobirov musobaqadagi ilk uchrashuvini o'tkazdi. 

Afsuski, bahslarga ikkinchi davradan qo'shilgan Sobirov ilk bahsidayoq rossiyalik Xusen Xalmurzaevga imkoniyatni boy berib, Toshkent Gran-prisidagi ishtirokini yakunladi. 

SHuningdek, hozirgacha o'tkazilgan bellashuvlarda hamyurtlarimizdan Doston Meyliev (-90 kg), SHerali Jo'raev (-100 kg), Akram Buranov (-100 kg), Aloviddin Jo'raqulov (-100 kg) va Ixtiyor Xalmuratov (+100 kg) mag'lubiyat alamini totib ko'rishdi. Qolgan dzyudochilarimiz esa kurashni davom ettirishyapti.