SHakur Stivenson "Matchroom" bilan shartnoma imzoladi

Stivenson shu kungacha Bob Arum rahbarligidagi "Top Rank" kompaniyasi bilan hamkorlikda jang o'tkazar edi. Mazkur tashkilot bilan shartnoma muddati Artyom Arutunyanga qarshi jangdan so'ng yakuniga etdi.

"Faoliyatimning keyingi bobini 12 oktyabr kuni Saudiya Arabistonida Jo Kordinaga qarshi jang bilan boshlashga tayyorman. Men eng katta nomlar va eng katta janglarni xohlashimni aniq aytdim. Uilyam Cepeda bilan jang 2025 yil boshida bo'lib o'tadi. Men jurat eta olgan har bir kishi bilan jang qilishga tayyorman. So'nggi paytlarda men bilan jang qilishni xohlaydiganlar kam bo'ldi.

Matchroom va Riyadh Season bilan birgalikda men jahon darajasidagi iqtidorimga mos keladigan jamoa tuzyapmiz. Biz ringda ham, undan tashqarida ham to'xtatib bo'lmaydigan darajada bo'lamiz, kelgusi yillar davomida boks ringida hukmronlik qilaman", deya hamkorlikni izohladi SHakur.

Malumot uchun, 27 yoshli charm qo'lqop ustasi faoliyati davomida 22 ta jang o'tkazib, ularning barchasida g'alaba qozongan. Janglarining 10 tasida raqiblarini nokaut orqali taslim etgan.