SHarhlovchi Davron Fayziev Konor - Serrone jangi haqida: "Konor "o'qlanib" chiqibdi"

"40 sekund xronologiyasi. 

Avval aytganimdek Serrone jangni kechki raundlarga cho'zishi kerak edi. SHu sababli u passiv boshladi. Konorning boshlang'ich shturmi paytda, yani sel yoki do'l yoqqanda panaga o'tib kutib turish edi uning vazifasi. Faqat bir muammo chiqib qoldi. MakGregor 3 yil g'alabasiz yashagach qattiq “o'qlanib” chiqibdi. Sel va do'l emas, asteroid atmosferaga yorib kirgandek Serronening himoya zonasiga uchib bordi. 

Hatto Aldoga qarshi 13 sekundli g'alabada ham Konor bunchalik shiddat bilan start olmagandi. Aksincha, Aldoni kontr xujumda ushlagan. 

Bu erda esa darhol start, birinchi kross, tegmadi. Keyin klinch, elkada xujum, uchta zarba va Kovboy talofat oldi. Burni sindi, masofaga qochdi. O'zining sevimli o'ng oyoq xaykikini ijro etdi. Konor blokladi. Ketidan Konordan chap xaykik oyoq bilan Kovboyning chag'iga aniq. Ana o'sha payt Serrone suzishni boshladi. Uyog'iga Konor odatda g'alabani chiqarmaydi. Kovboy passiv himoyada edi. MakGregor esa bosh qismiga bittama bitta zarbalarini mixdek qoqib chiqdi. Referi Xyorb Din ozgina vaqt berdi Serronega, lekin foydasiz ekanligini tushundi. 

Konor MakGregor 77 kgda g'alaba qozondi. Agar bu vaznda qolsa BMF kamari uchun Masvidal bilan, yoki asosiy chempionlik uchun Usman bilan jang qilishi mumkin. Engil toifaga qaytsa u erda Habib quchoq ochib kutib oladi, faqat u quchoqdan sog' holatda chiqish muammoligini biladi. Ko'ramiz, kuzatamiz", - deya jang haqida izoh qoldirdi Davron Fayziev.