SHarofiddin Boltaboevni tabriklaymiz!

SHarofiddin Boltaboev 1995 yil 19 noyabr kuni dunyoga kelgan. Dzyudochimiz Osiyo chempionatining ikki karra kumush medali sovrindori hisoblanadi. O'tgan yili poytaxtimizda o'tgan Toshkent Gran-prisida barcha raqiblarini mag'lubiyatga uchratib, shoxsupaning eng yuqori pog'onasiga ko'tarilgan. SHu yil Franciyadagi Parij "Katta Dubulg'a" turnirida kumush medalga sazovor bo'lgan. SHuningdek, u boshqa ko'plab nufuzli musobaqalarning g'olib va sovrindoriga aylargan. Hozirda -81 kg vazn toifasida Tokio Olimpiadasiga yo'llanma beruvchi pog'onada bormoqda.

"Parij shahri mezbonlik qilgan nufuzli musobaqada dunyoning 115 davlatidan eng sara dzyudochilar ishtirok etgandi. Finalgacha mag'lubiyatsiz etib bordim. CHempion bo'lishga juda yaqin kelgandim. Belgiyalik raqibimni bemalol mag'lub etsam bo'lardim. Amaldagi jahon chempioni, reyting peshqadami Sagi Muki, yarim finalda yaponiyalik Sotaro Fijivaradan ustun kelganimdan so'ng o'zimga bo'lgan ishonch yana ham ortgandi. O'ylaymanki, Tokio Olimpiadasi yo'llanmasini qo'lga kiritib, dzyudo vatanidan medal bilan qaytaman", - deydi bugungi kun qahramoni. 

Fursatdan foydalanib, O'zbekiston dzyudo federaciyasi rahbariyati, murabbiylar, dzyudochilar nomidan SHarofiddin Boltaboevni bugungi shukrona kuni bilan muborakbod etamiz. Qo'ling hamisha baland bo'lsin, SHarofiddin!