SHavkat Rahmonovning rafiqasi va farzandi YTHga uchradi, hodisa oqibatida vafot etganlar borligi aytilmoqda

Malum bo'lishicha, voqea 27 iyul kuni soat 08:50 da Olma-Ota-Ekaterinburg Respublika avtomagistralining 299-kilometrida yuz bergan. Qarag'anda viloyatidan Olma-Ota shahri tomon ketayotgan Toyota Land Cruiser 200 haydovchisi rul boshqaruvini yo'qotib, transport vositasini ag'darib yuborgan. Yo'l-transport hodisasi natijasida ikki kishi halok bo'lib, yana ikki kishi shifoxonaga etkazilgan.

Tengrinews.kz manbasiga ko'ra, avtomobilni Gulayim Rahmonova boshqargan. UFC jangchisi SHavkat Rahmonovning rafiqasi bo'lmish Gulayim o'g'li va do'stlari bilan Qarag'andadan Olma-Otaga ketayotgani aytiladi.

Hodisa oqibatida 39 yoshli yo'lovchi Z.A. voqea joyida vafot etgan. Yana bir yo'lovchi, 35 yoshli A.S. Mo'yinqum tuman kasalxonasiga olib ketilayotganda vafot etgan.

Rahmonova va uning uch yoshli o'g'li ham shu kasalxonasiga olib kelingan va travmatologiya bo'limiga yotqizilgan, ularning ahvoli o'rtacha og'ir deb baholanmoqda.