SHaxmat bo'yicha O'zbekiston chempionatida 5 tur yakunlariga ko'ra kimlar etakchilik qilyapti? + FOTOGALEREYA

236 nafar shaxmatchi ishtirok etayotgan turnirning 5 turi ortda qoldi. Unga ko'ra, Abduraxmon Rajabov (8 yoshgacha bo'lganlar o'rtasida) peshqadamlik qilmoqda. U 5 imkoniyatdan 4,5 ochko jamg'argan. Qizlar o'rtasidagi bahslarda esa Iroda Jumaeva barcha bellashuvlarni g'alaba bilan yakunlagan (5 imkoniyatdan 5 ochko). 10 yoshgacha bo'lganlar guruhida (o'g'il bolalar) uch nafar shaxmatchi bir xil - 4,5 tadan ochko olgan: Akrom Yo'ldoshev, Islombek Eshpo'latov, Lazizbek SHavkatov. Qizlar bahsida esa Mohinaxon Karimova 5 ochko bilan peshqadamlik qilyapti. 12 yoshgacha bo'lgan o'g'il bolalar bahsida Abdumajid Botiraliev hamda Abdulqodir Baxodirov etakchilik qilmoqda. Bu ikki shaxmatchi hisobida 4,5 tadan ochko bor. Ushbu guruhning qiz bolalar o'rtasidagi bellashuvlarda Mohinur Hikmatxonova yakka peshqadam bo'lib turibdi. Mohinurning hisobida ham 4,5 ochko mavjud.

CHempionatning har uchala yo'nalishi bo'yicha g'olib va sovrindorlari 11 fevral kuni malum bo'ladi.