“SHaxmat karvoni”: umumtalim maktablariga 150 mingta shaxmat jihozlari to'plami etkazib beriladi

Davlatimiz rahbari tomonidan imzolangan “SHaxmatni yanada rivojlantirish va ommaviylashtirish hamda shaxmatchilarni tayyorlash tizimini takomillashtirish chora-tadbirlari to'g'risida”gi qarorida bolalar va o'smirlarning shaxmatga qiziqishlarini oshirish, talim muassasalari o'quvchilarini ushbu sport turiga doimiy jalb qilib borish bo'yicha qator vazifalar belgilangan.

Mazkur qaror ijrosini taminlash maqsadida belgilangan reja asosida Maktabgacha va maktab talimi vazirligi va O'zbekiston shaxmat federaciyasi hamkorligida mamlakatimizdagi mavjud maktablarga “SHaxmat karvoni” loyihasi doirasida 150 mingta shaxmat jihozlari to'plami etkazib berilishi nazarda tutilgan.

– Mamlakatimizda yoshlarning har jihatdan etuk, salohiyatli bo'lib voyaga etishiga alohida etibor qaratilmoqda. Birgina shaxmat yo'nalishidagi natijalarimiz vatanimizning oltin avlodi bo'lgan Nodirbek Abdusattorov, Javohir Sindorov, SHamsiddin Vohidov, Muhiddin Madaminov, Afruza Hamdamova singari yosh shaxmatchilarimizning ko'rsatkichlarida namoyon bo'lmoqda. “SHaxmat karvoni” yo'lga qo'yilgani boshlangan yilning katta niyatlar, orzular sari tashlangan muhim qadami bo'ldi. SHaxmat ming-minglab navqiron avlod vakillarida tafakkur qilish imkoniyatlarini oshiradi. Ularning ko'pchiligi yorqin shaxmat yulduzlari darajasiga ko'tarilmas, lekin shaxmat fikri teran insonlar safini kengaytirishga xizmat qilishi bilan ahamiyatli, – deydi O'zbekiston shaxmat federaciyasi raisining o'rinbosari Komil Sindorov.

SHu kunlarda “SHaxmat karvoni” dasturi doirasida Toshkent shahri va viloyatidagi umumtalim maktablari uchun 17 mingta shaxmat jihozlari to'plami etkazib berish tadbirlari o'tkazilmoqda.

“SHaxmat karvoni” loyihasi doirasida poytaxtimizning Uchtepa tumanidagi 287-maktabda tashkil etilgan tadbirda shaxmatga qiziquvchi yoshlar bilan grossmeysterlar ishtirokida mahorat darslari va shaxmat o'yinlari tashkil etildi.