SHerzod Tashmatov koreyalik taekvondo mutaxassislarini qabul qildi

Mehmonlarni MOQ raisi o'rinbosari, O'zbekiston taekvondo WT associaciyasi raisi SHerzod Tashmatov qarshi oldi. Delegatlar tashrif davomida o'zbek sportining boy tarixi bilan yaqindan tanishishdi. SHundan so'ng tomonlar o'zaro hamkorlik masalalarini muhokama qildilar.

“Sizlarni O'zbekiston Milliy Olimpiya qo'mitasida ko'rib turganimizdan mamnunmiz. Hurmatli Prezidentimizning etiborlari bilan mamlakatimizda har bir sport turi qatori taekvondo ham jadal rivojlanib bormoqda. Bunda koreyalik taekvondo mutaxassislarining xizmatlarini alohida tilga olmoqchimiz. Tokio-2020 Olimpiya o'yinlarida delegaciyamiz uchun ushbu sport turidagi ilk oltin medalni taqdim qilishimizda ularning mehnati katta bo'lgan. Kecha davlatimiz rahbari sport talimini yaxshilash, iqtidorli sportchilarni saralash mavzusida videoselektor yig'ilishini o'tkazdilar. Taekvondoni yurtimizda yanada rivojlantirish borasidagi rejalarimiz bilan Prezidentimiz bergan topshiriqlar ijrosini taminlaymiz”, – dedi SHerzod Tashmatov.

O'z navbatida, mehmonlar ham yurtimizda taekvondo rivoji yangi bosqichga chiqayotganini alohida takidladilar.

“Tashrifim davomida O'zbekiston Davlat jismoniy tarbiya va sport universiteti va bir qancha hududlarda bo'ldim. Bu mamlakat menda juda iliq taassurot qoldirdi va O'zbekistondan ketishni istamayapman. Davlatingiz boy sport tarixiga ega. Tokio-2020 Olimpiadasida o'zbekistonlik taekvondochining ilk bor oltin medalni qo'lga kiritgani meni xursand qilgan edi. Milliy terma jamoa vakillarining mashg'ulotini kuzatganimda O'zbekistondan kelajakda ham ko'plab chempionlar etishib chiqishiga amin bo'ldim. Taekvondo sportida bunday iqtidorli kadrlar ko'p bo'lgan mamlakatingiz bilan har tomonlama hamkorlik qilish biz uchun yoqimli”, – dedi janob Kim Kyong Dok.

Xorijlik mutaxassis O'zbekiston taekvondo WT associaciyasining faoliyati Koreya Respublikasi taekvondo associaciyasi bilan o'xshashligi, terma jamoamiz vakillarini Parij-2024 va Los-Anjeles-2028 Olimpiya o'yinlariga tayyorlashda o'zaro hamkorlikda ishlashga tayyor ekanini alohida urg'uladi.

Suhbatda hamkorlik doirasida o'zbekistonlik trener va hakamlarning malakasini oshirish uchun ularni Koreya Respublikasiga yuborish, sport tibbiyoti, farmakologiya, dietalogiya yo'nalishlarida erishilgan so'nggi muvaffaqiyatlar bo'yicha o'zaro tajriba almashish mavzularida fikr bildirildi.

Yig'ilish yakunida MOQ Bosh kotibi Oybek Kasimov mehmonlar bilan uchrashib, ularning Qo'mitamizga qilgan tashrifidan mamnun ekanini, kelgusida chuqur hamkorlik aloqalarini yo'lga qo'yishdan xursand bo'lishini bildirdi.