SHerzod Tashmatov murabbiylar shtabi bilan yangi rejalarni muhokama qildi

Unda Pavel Xan boshchiligidagi terma jamoa murabbiylar shtabi ishtirok etdi.

2022 yil barcha sport turlari qatori taekvondochilarimizni ham katta sinov kutib turibdi. Suhbatda oldinda turgan Osiyo o'yinlari, jahon chempionati, Gran-pri va boshqa nufuzdagi musobaqalarga munosib tayyorgarlik ko'rish, terma jamoaning asosiy tarkibini saralash kabi masalalarga etibor qaratildi.

Ayni paytda terma jamoamiz vakillari Qozog'iston va Rossiyadan kelgan taekvondochilar bilan qo'shma o'quv-mashg'ulot yig'inini olib borishmoqda. Yig'ilishda murabbiylar yaqin oylar davomida turli yosh toifalarida o'tkaziladigan mamlakat chempionati orqali asosiy va yoshlar jamoasi, ularga kuchli sparring raqib bo'la oladigan 2-tarkib vakillarini saralab olish ko'zda tutilayotganini takidlab o'tishdi.

O'z navbatida, SHerzod Tashmatov kelgusi yil uchun tuzilgan mahalliy va xalqaro o'quv-mashg'ulot yig'inlari, terma jamoamiz vakillari ishtirok etadigan xalqaro turnirlar bo'yicha murabbiylar bilan fikrlashib, tegishli ko'rsatmalarni berib o'tdi.