SHHT yig'ilishi: Qirg'iziston Respublikasi delegaciyasi ham Toshkentga etib keldi

Yig'ilishda ishtirok etish uchun SHHTga azo davlatlarning jismoniy tarbiya va sportni rivojlantirishga masul vazirlik va idoralari rahbarlari birin-ketin Toshkentga etib kelishmoqda.

Xususan, bugun Qirg'iziston Madaniyat, axborot, sport va yoshlar siyosati vaziri Azamat Jumanqulov boshchiligidagi delegaciya azolari Islom Karimov nomidagi Toshkent xalqaro aeroportida tantana bilan qarshi olindi. Ularni Sportni rivojlantirish vazirining maslahatchisi Avazjon Karimov boshchiligidagi vazirlik va MOQ vakillari kutib olishdi.

Safar davomida Qirg'iziston Madaniyat, axborot, sport va yoshlar siyosati vaziriga mazkur vazirlikning Xalqaro aloqalar boshqarmasi boshlig'i Nazgul Omurzakova hamda vazirlikning sport bo'limi boshlig'i Xamit uulu Kayratlar hamrohlik qilishadi.

Malumot uchun, SHHTga azo davlatlarning jismoniy tarbiya va sportni rivojlantirishga masul vazirlik va idoralari rahbarlari yig'ilishida jismoniy tarbiya va sportni rivojlantirish uchun qulay shart-sharoitlar yaratishga ko'maklashish, jismoniy tarbiya va sport orqali do'stona aloqalarni mustahkamlash, sportchilarni xalqaro musobaqalardagi munosib ishtiroki uchun rag'batlantirish, Olimpiya harakatini rivojlantirishdagi hamkorlikni mustahkamlash kabi bir qator masalalar atroflicha muhokama qilinadi.