SHohida va Nabira Osiyo chempionati 1/2 finalida. Esenbaevaning raqibasi Olimpiada kumush medali sovrindori!

Bugun musobaqaning to'rtinchi kuni ayollar kurashi bahslarining qolgan 5 ta vazn toifasida g'olib va sovrindorlar nomi malum bo'ladi. Bugun bellashuvlarga kirishgan 5 kurashchimizdan 2 nafari yarim finalga etib keldi.

O'smirlar Olimpiadasi sovrindori SHohida Ahmedova birinchi davrada hindistonlik Anshu Anshuga imkoniyatni boy berib qo'ydi. Ikkinchi bosqichda esa Danielle Lim (Singapur) ustidan 10-0 hisobidagi ishonchli g'alabaga erishib, yarim finalga yo'l oldi. -57 kg vaznda yurtimiz sharafini himoya qilayotgan SHohidaning final chiptasi uchun kechadigan bahsdagi raqibasi Tsugumi Sakurai (Yaponiya) bo'ladi.

-62 kg vazn toifasidagi vakilamiz Nabira Esenbaeva o'z ishtirokini 1/4 finaldan boshladi. U bu bosqichda Sachini Veraduvage (SHri-Lanka)dan 4-0 hisobida ustun keldi. Birozdan so'ng Esenbaeva 1/2 finalda Tokio Olimpiadasining kumush medali sovrindori, ikki karra jahon chempioni, qirg'izistonlik Aysuluu Tinibekovaga qarshi gilamga chiqadi.