SHohjahon Ergashevning raqibi o'zgardi, u hind bokschisiga qarshi ringga chiqadi + POSTER

Xabar berganimizdek, charm qo'lqop ustamiz Samarqand shahridagi Family Park majmuasida tashkil etilishi kerak bo'lgan prof boks oqshomining asosiy jangida kongolik 32 yoshli Mardochee Kuvesa Katombega qarshi ringga chiqishi lozim edi. 

Ammo bu turnir belgilangan muddatda o'tkazilmadi va yangi sanaga ko'chirildi. 4 yanvar kuni Samarqandda tashkil etiladigan boks oqshomining asosiy jangida Ergashevning o'zi ringga chiqadi, faqat boshqa raqibga qarshi. U o'sha kuni hindistonlik Gurprit Singhga qarshi jang o'tkazadi. Bu boks turnirini SHohjahon Ergashevga tegishli Top Seven Fighters kompaniyasi tashkil qilmoqda.  

Malumot uchun, 33 yoshli SHohjahon Ergashev hozirgacha 27 ta jang o'tkazib, 25 g'alaba va 2 mag'lubiyat qayd etgan. Gurprit Singh esa 11 g'alaba (3 nokaut), 3 mag'lubiyat va 1 durangga ega. Singh oxirgi jangini 2024 yilning 30 noyabr kuni o'z vatanida hamyurti Digari Maneshga qarshi o'tkazib, ikkinchi raundda texnik nokaut evaziga zafar quchgan. Ergashev esa so'nggi jangini fevral oyida Farg'onada ugandalik Junju Pauerga qarshi o'tkazib, birinchi raunddayoq texnik nokaut evaziga g'alaba qozongandi.