10 iyu 22:32
Yangiliklar
Dzyudo
SHohruh Baxtiyorov Budapesht “Katta Dubulg'a” turniri bronza medali sohibi
Vengriya poytaxti Budapesht shahrida dzyudo bo'yicha “Katta Dubulg'a” turkumiga kiruvchi musobaqaning so'nggi kungi final bellashuvlari o'tkazilyapti.
Quvonarlisi, hozirgina og'ir vazn (+100 kg) toifasidagi polvonimiz SHohruh Baxtiyorov ajoyib kambek evaziga g'alaba qozonib, Budapesht “Katta Dubulg'a” turnirining bronza medali sohibiga aylandi.
Baxtiyorov bronza medali uchun kechgan murosasiz bellashuvda finlyandiyalik Martti Puumalaynenni taslim etdi. Vazari bahosi bilan yutqazayotgan SHohruh qisqa fursatda ikkita vazari evaziga g'alabani o'z tomoniga og'dirib oldi.
SHohruh Baxtiyorov bronza medali bilan birga qimmatli 500 reyting ochkosini ham qo'lga kiritdi. Bu uning joriy mavsum "Katta Dubulg'a" turnirlaridagi ikkinchi bronza medali hisoblanadi. Baxtiyorov Tbilisida ham shohsupaga ko'tarilgan edi.
Havola :
Manba : olamsport.com
Fikrlar