SHon O`Melli ham Oq uyda jang qilmoqchi

Amerikalik 30 yoshli aralash yakkakurash ustasi dekabr oyida oktagonga qaytishi mumkin. SHon vatandoshi Kori Sendxagenga qarshi Oq uyda oktagonga chiqishga tayyor. Buning uchun Sendxagen 4 oktyabr kuni Merab Dvalishvilidan engil vazn toifasidagi UFC chempionlik kamarini tortib olishi lozim.

"Ha, bu jangni Oq uyda ko'rish qiziqarli bo'lardi. Agar Kori g'alaba qozonsa, men esa kimni raqib sifatida berishsa, o'shani yutsam, bu reallikka aylanishi mumkin. Ammo nima bo'lgan taqdirda ham, men yaqin to'rt-besh oy ichida jang o'tkazmoqchiman. SHu bois, Oq uyda chiqish qilishga tayyor bo'laman", - dedi O`Melli o'z podkastida.  

Eslatib o'tamiz, o'tgan yili SHon O`Melli Las-Vegasdagi yangi innovacion arena "Sfera"da jang o'tkazgandi. Aynan shu omil ham uning Oq uyda jang qilishni xohlashining yana bir sababidir.

"UFC rahbari Oq uydagi turnir iyun oyida o'tkazilishi mumkinligini aytdi. Agar men yil oxiri yoki kelasi yilning boshida jang o'tkaza olsam, demak Vashingtondagi karddan joy olish imkoniyatim oshadi. "Sfera" va Oq uyda jang o'tkazish - bu hayotda bir marta sodir bo'ladigan tarixiy lahzalardir", - dedi O`Melli.