SHukurjon Aminova JCH bronza medali uchun bahsda ikki karra Olimpiada chempioniga qarshi tatamiga chiqdi + FOTO

Biroz avval hamyurtimiz SHukurjon Aminova jahon chempionatining bronza medali uchun franciyalik Sara-Leoni Sizikka qarshi tatamiga chiqdi. Asosiy to'rt daqiqalikda g'olib aniqlanmadi. Qo'shimcha daqiqalardagi bitta usul tajribali, nomdor Sizikka bronza medalini taqdim etdi. 

Takidlash joiz, Sara-Leoni Tokio-2020 Olimpiadasi yakkaligida kumush, aralash jamoaviy bahslarida oltin, Parij-2024 Olimpiya o'yinlarinin yakkaligida bronza, aralash jamoaviy bellashuvlarida yana oltin medalni qo'lga kiritgan. Jahon chempionatlarining uch karra sovrindori hisoblanadi. Evropa chempionatida 1 ta kumush, 3 ta bronza medaliga ega chiqqan. 

Yigirma olti yoshida shuncha yutuqqa erishgan francuz dzyudochisiga qarshi 22 yoshli SHukurjon Aminova munosib qarshilik ko'rsatdi. SHundan kelib chiqib aytish mumkin-ki, SHukurjon uchun bu jahon chempionati ijobiy yakunlandi. U jahon reytingi uchun qimmatli 720 ochkoni qo'shib qo'ydi. Ayni paytda 14-o'rinni egallab turgan vakilamiz yangilangan reytingda Top-10`ga kirib olishi mumkin.