SHveycariyaga yo'l oladigan velosportchilar saralab olindi

Kecha Toshkent shahrida joylashgan velotrekda xorijiy mutaxassis velosport bo'yicha O'zbekiston terma jamoasi azolari orasidan iqtidorli sportchilarni imtiyozli asosda SHveycariyaga malaka oshirishga olib borish maqsadida tanlov o'tkazdi.

Tanlov davomida xorijiy mutaxassis shuningdek kichik o'quv-yig'in mashg'uloti tashkil etib, murabbiylarga yangi metodik uslublar bo'yicha master-klass o'tdi. Iqtidorli va istiqbolli sportchilarni saralash, tayyorlash, mahoratini oshirish maqsadida sportchilar bilan alohida suhbat olib borildi.

Uch soat davom etgan mashg'ulot yakuniga ko'ra sportchilar orasidan SHveycariyaga yo'l oladigan nomzodlar tanlab olindi. Tashkil etilgan mashg'ulotdan barcha sportchi va murabbiylar mamnun ekanliklarini takidlashdi.

O'z navbatida, Frederik Magne O'zbekiston yoshlarida potencial yuqori ekanligi, faqat ularga ozgina etiborni kuchaytirib, sport va texnik anjomlarni yangilab, zamon talablariga mos jihozlardan foydalanishni tavsiya etdi. Bu jihat xalqaro maydonda muvaffaqiyatli ishtirok etishda muhim omil ekanligini takidlab o'tdi.