Sirojiddin oltin, ikki Nodir esa bronza medali uchun gilamga chiqadi

Bugun 5 ta vazn toifasidagi bellashuvlar bilan erkin kurash musobaqasiga start berildi. Saralash bahslaridan so'ng uch nafar kurashchimizning kechki dasturda medallar uchun gilamga chiqishi oydinlashdi. 

Quvonarlisi, 70 kg vazn toifasida yurtimiz sharafini himoya qilayotgan Sirojiddin Hasanov finalda oltin medal uchun kurashadigan bo'ldi. U chorak finalda qirg'izistonlik Islambek Orozbekovni 4-3, yarim finalda esa turkmanistonlik Perman Hommadovni 8-4 hisobida engdi. Sirojiddinning finaldagi raqibi qozog'istonlik Sirbaz Talgat bo'ladi.

57 kg vazndagi kurashchimiz Nodirjon Safarov chorak finalda hindistonlik Kumar Raviga 2-9 hisobida imkoniyatni boy berdi. Endi Safarov bronza medali uchun falanstinlik Ali Aburumaylaga qarshi bahs olib boradi. 

Terma jamoamizning 65 kg vazn toifasidagi vakili Nodir Rahimov ham Osiyo chempionatining bronza medali uchun kurashadi. Nimchorak finalda SHri-Lanka kurashchisi CHamara Pereradan 10-0 hisobida ustun kelgan Rahimov chorak finalda yaponiyalik Takuto Otoguroga yutqazib qo'ydi - 0-13. Rahimovning bronza uchun bahsdagi raqibi eronlik Morteza Giasi CHeka bo'ladi.