Socializmga qarshi jangchilar. “UFC'da Donald Trampning ikki muxlisi jang qiladi - Masvidal - Kovington

Yanvar oyi o'zining yangiliklari bilan hammani hayratlantirishda davom etmoqda. Og'ir va engil vazn yulduzlari allaqachon o'z raqiblari bilan kelishuvga erishdi. Endi navbat yarim o'rta vazn egalariga. Kolbi Kovington va Xorxe Masvidal 5 mart Las Vegasda bo'lib o'tadigan UFC 272 turnirida o'zaro jang qiladi. 33 yoshli Kolbi va 37 yoshli Xorxe o'rtasida adovat xech kimga sir emas. Jang uchun bundan boshqa yana qanday qiziqarli bog'liqlik bo'lishi mumkin? Ikki amerikalik jangchi uch marotaba jang qilishga urinishgan, ammo barcha janglar bekor qilingan. Umid qilamizki, to'rtinchi urinishda jangchilar, albatta, oktagonga ko'tarilishadi.

Xorxe va Kolbi shafqatsiz ko'rinishsada, to'g'ri manoda AQSH sobiq prezidentining qo'llarini o'pishga tayyor

Bir necha yil oldin Kolbi va Xorxe "American TopTeam" jamoasida birga shug'ullanishardi va mashg'ulotda bo'lganidek hayotda ham yaqin do'st edilar. Lekin keyinchalik ularning orasidan "qora mushuk" o'tadi. O'sha vaqtdan so'ng eski do'stlar doimiy ravishda ijtimoiy tarmoqda xam o'zaro jang qilib kelishadi.

Lekin bugungi kungacha ularni nimadir birlashtirib turmoqda. Ularning ikkisi ham AQSHning sobiq prezidenti Donald Tramp bilan yaqin munosabatda. Masvidal va Kovington so'nggi saylovda, hatto keksa siyosatchining shtab-kvartirasida bo'lib, "Socializmga qarshi jangchilar" maxsus dasturida qatnashgan.

Kim kuchliroq? 

Albatta, bu savolga javob berish qiyin. Ikkala jangchi ham so'ngi bor Kamaru Usman bilan to'qnash kelgan va chempionga mag'lub bo'lishgan.

Masvidalning ustun tarafi "stoyka"da, ammo u kurashda zaif. Kovingtonda aksincha, uning Usman bilan kechgan jangi shuni ko'rsatdiki, Kolbi "stoyka"da ham ancha jiddiy raqib. SHuning uchun ko'rsatkichlar borasida Kovington biroz ustundek ko'rinmoqda. Nima bo'lganda ham, bizni 5 mart Las Vegasda shaxsiy adovatga ega jangchilar to'qnashuvi kutmoqda.

Kamron Hasanov tayyorladi