Sohibjamol Osiyo chempionati sovrindori! Jalolov finalda, Jamalovda kutilmagan mag'lubiyat

Qirg'iz Respublikasi poytaxti Bishkek shahri mezbonlik qilayotgan sport kurashlari bo'yicha kattalar o'rtasidagi Osiyo chempionatining navbatdagi kuni erkin kurashchilar bahslarga kirishishdi. Ayollar kurashi bellashuvlarida esa birgina vakilamiz shohsupaga ko'tarildi. -53 kg vazn toifasida yurtimiz sharafini himoya qilgan Sohibjamol Esbosinova uchinchi o'rin uchun kechgan bellashuvda janubiy koreyalik raqibasi Park Se Yongni mag'lub etib, bronza medaliga sazovor bo'ldi.  

Erkin kurash bahslarida Umidjon Jalolov saralash bahslarini muvaffaqiyatli o'tkazib, finalga etib keldi. Bugun u Osiyo chempionligi uchun azaliy raqibi hindistonlik Sujitga qarshi gilamga chiqadi va avvalgi mag'lubiyat uchun revansh olish imkoniga ega bo'ladi. 

Afsuski, Parij-2024 Olimpiadasi chempioni Razambek Jamalov o'zi uchun yangi vaznda (-79 kg) oltin yoki kumush medalni qo'lga kirita olmaydi. U 1/2 finalda yaponiyalik uncha taniqli bo'lmagan Keyvan Garehdagiga bir ochko farqi (3-4) bilan yutqazib qo'ydi. Bugun Razambek Osiyo chempionatining bronza medali uchun mo'g'ulistonlik Suldhu Olonbayarga qarshi gilamga chiqadi. 

SHuningdek, erkin kurashchilarimizdan SHahzodbek Yarashev va SHerzod Poyonov ham bronza medali uchun kechadigan bellashuvlarda o'z mahoratini namoyish etadi.    

Final:

-65 kg: Umidjon Jalolov — Sujit (Hindiston)

Bronza medali uchun:

-70 kg: SHahzodbek Yarashev — Sina Halili (Eron)

-79 kg: Razambek Jamalov — Suldxu Olonbayar (Mo'g'uliston)

-97 kg: SHerzod Poyonov — Viki (Hindiston)