03 apr 10:33
Yangiliklar

Dzyudo

So'nggi kun bahslari oldidan umumjamoa hisobida 4-o'rindamiz + JADVAL

Bugun Turkiyaning Antaliya shahri mezbonlik qilayotgan "Katta Dubulg'a" turnirining so'nggi uchinchi kungi bellashuvlari o'tkaziladi.

Ikkinchi kungi bahslardan so'ng O'zbekiston terma jamoasi 1 ta oltin medal bilan umumjamoa hisobida 4-o'rinni egallab turibdi. Kecha tatamiga chiqqan yagona dzyudochimiz Gulnoza Matniyazova yarim finalga qadar etib borgan bo'lsa-da, yakunda 5-o'rin bilan kifoyalandi, o'z hisobiga 360 reyting ochkosini yozib qo'ydi.

Ikkita oltin, 2 ta kumush medalga ega bo'lib turgan Italiya terma jamoasi ishtirokchi 91 davlat orasida birinchi o'rinni band etgan. Bittadan oltin, kumush, 2 ta bronza medalini qo'lga kiritgan Kanada ikkinchi, 1 tadan oltin, kumush va bronza medaliga ega Turkiya terma jamoasi uchinchi o'ringa joylashgan. Ikki kunlik bellashuvlardan so'ng 8 davlat terma jamoalari hisobida kamida 1 tadan oltin medal bor.