05 iyu 19:48
Yangiliklar

Sport kurashlari

Sport kurashi. Bugun ikkita medal qo'lga kiritdik, Mushtariy - Osiyo chempioni!

Qozog'istonning Nur-Sultan shahrida sport kurashlari (yunon-rum, erkin va ayollar kurashi) bo'yicha kadetlar o'rtasidagi Osiyo chempionati davom etmoqda.

Ushbu qita chempionatida O'zbekiston terma jamoasining istedodli kurashchilari ham barcha yo'nalishlar hamda vazn toifalarida gilamga chiqishyapti. Bugun musobaqaning ikkinchi kungi bahsarida yunon-rum hamda ayollar kurashi vakillari medallar uchun bahs olib borishdi.

Bugun ayollar kurashida 5, yunon-rum kurashi bahslarida esa 3 nafar hamyurtimiz o'z mahoratini namoyish etdi. Ulardan ikki nafari yakunda shoxsupaga ko'tarildi.

-71 kg vazn toifasida yurtimiz sharafini himoya qilgan yunon-rum kurashchimiz Samandar Bobonazarov bronza medalini qo'lga kiritdi. Ayollar kurashi musobaqasida qatnashgan Mushtariy Tolipbekova Osiyo chempioniga aylandi. -40 kg vazn toifasida gilamga chiqqan Mushtariy barcha raqibalaridan ustun keldi.