Sport kurashlari. Baxshilloev chempion, Bahromovda kumush, To'xtaev va Mo'minjonovda bronza!

Ushbu musobaqa erkin, yunon-rim va ayollar kurashi vakillari uchun joriy 2020 yil hisobidan o'rin olgan ilk reyting turniri hisoblanadi. Kecha musobaqaning ilk kuni yunon-rim kurashi ustalari medallar va reyting ochkolari uchun bahslarni boshlab berishdi. 

Quvonarlisi, birinchi kungi bahslarning o'zida to'rtta medal qo'lga kiritildi. -67 kg vaznda gilamga chiqgan yurtdoshimiz Mahmud Baxshilloev barcha raqiblarini mag'lubiyatga uchratib, turniri g'olibiga aylandi. Mahmud chorak finada italiyalik Ruben Marvaysni 8:0, yarim finalda venesuelalik Xaver Palensiya Puentesni 8:0, hal qiluvchi finalda esa misrlik Muhammad El Sayid Abuhalimani 3:1 hisobida mag'lubiyatga uchratdi. 

-60 kg vazn toifasida yurtimiz sharafini himoya qilgan Islomjon Bahromov esa oltin medal uchun kechgan murosasiz final bellashuvida xitoylik Saylike Valixanga 3:4 hisobida yutqazdi va kumush medalga ega chiqdi. U chorak finalda yana bir kurashchimiz Feruz To'xtaevni qiyinchilik bilan 8:7 hisobida taslim etgan edi. Feruz mag'lubiyatga qaramay, hindistonlik Sachin Ranani 9:0 hisobida dog'da qoldirib, bronza medaliga sazovor bo'ldi.

Terma jamoamizga to'rtinchi medalni eng og'ir (-130 kg) vazndagi kurashchimiz Mo'minjon Abdullaev keltirdi. Osiyo o'yinlari g'olibi norvegiyalik Oskar Marvikka qarshi kechgan bellashuvda ustunlik evaziga raqibidan ustun keldi va bronza medalini qo'lga kiritdi.