Sportchilarimizning ADAMS tizimida ishlash ko'nikmalarini oshirishga etibor kuchaymoqda

Hozirda butun dunyoda atletlarning ushbu yo'nalishda ishlash bo'yicha ko'nikmalarini oshirish yuzasidan turli dasturlar ko'rib chiqilmoqda. MOQ raisi o'rinbosari SHerzod Tashmatov soha mutasaddilari bilan mazkur mavzu yuzasidan uchrashuv o'tkazdi.

Unda MOQ qoshidagi Respublika sport tibbiyoti ilmiy-amaliy markazi direktori Kamol Sirojitdinov va uning maslahatchisi Iskandar Mavlyanov, O'zbekiston Milliy antidoping agentligi mutasaddilari ham ishtirok etishdi. SHerzod Rixsiboevich ADAMS tizimiga kiritilmagan yoki unda to'g'ri ishlay olmayotgan sportchilarimizga yordam berish, yuzaga kelishi mumkin bo'lgan noxush holatlarning oldini olish muhimligini bildirdi. SHu bois ushbu masalaga jiddiy etibor qaratish lozimligini qo'shimcha qilib, ularga tizim bilan ishlash bo'yicha seminarlar tashkil etish xususida tavsiya berdi.

ADAMS tizimiga ko'ra, sportchi doping tahlillarini topshirish uchun 3 bora o'zi belgilagan joyda bo'lmasa, uzoq muddatga diskvalifikaciya qilinadi. SHuni inobatga olgan holda, barcha atletlarimizni ushbu dastur bilan ishlashga o'rgatish, ularga taqdim etilayotgan farmakologik vositalarning tarkibini nazorat qilish bo'yicha ko'rsatmalar berildi.