Sterling Dvalishvili - O’Melli revansh jangi haqida kinoyali fikr bildirdi

Jang 7 iyun kuni Nyuark (Nyu-Jersi, AQSH) shahrida, UFC 316 turniri doirasida bo'lib o'tadi. Ularning ilk to'qnashuvi 2024 yilning sentyabrida o'tkazilgan va unda gruziyalik sportchi hakamlarning yakdil qarori bilan g'alaba qozongandi. 

"Rostini aytsam, UFC o'z brendi va biznesi uchun eng maqbul yo'lni tanlaydi. Ilk jangdagi vaziyat tufayli revansh jangini darhol o'tkazishni xohlardimmi? Albatta. 

Ammo men biznes modelini ko'pchilikdan yaxshiroq tushunaman va O’Melli — Top-5 dagi raqiblarni enggan munosib yigit. SHuning uchun, u bu imkoniyatga sazovor, deb o'ylayman. Agar Merab uni yana mag'lub etsa nima bo'ladi? Trilogiya tashkil etilsa kerak", - deb yozdi Sterling o'z ijtimoiy tarmog'ida.