Stol tennisi. Gulistonda O'zbekiston kubogining finalchilari aniqlandi

Rimma va Diana poytaxtliklarni finalga olib chiqishdi va amaldagi chempionlarni to'xtatishdi. Yarim finalning birinchi ochkosini Toshkent viloyatiga Marhabo Magdieva keltirdi. U O'zbekistonning amaldagi chempioni Diana Polegaeva ustidan g'alaba qozondi.

Ikkinchi uchrashuvda Rimma Molokanova Sogdiana Ibodullaevaga imkoniyat qoldirmadi va hisobni tenglashtirdi. Uchinchi o'yinda Mohiroy Kamalovaga qarshi o'ynagan Rozalina Xadjieva Toshkent viloyati vakillariga yana bir ochko keltirib xisobni 2-1 ga etkazdi. 

Kubok bellashuvlariga fenomenal formada kelgan Molokanova (Gufranova) Rimma Magdievaga qarshi o'zini ruxan tayyorlay olgani va so'ngi ikkita uchrashuvda Magdievaga yutqazgan o'yinlari uchun revansh olgani tahsinga sazovor bo'ldi 2-2. 

Hal qiluvchi ochko uchun to'qnash kelgan Polegaeva va Ibodullaevalar kunning eng qiziqarli uchrashuvini muxlislarga taqdim etishdi. Dramatizmga boy uchrashuvda Diana Sogdiana ustidan g'alaba qozonib, Toshkent shahri jamoasini finalga olib chiqdi 3-2!

Ikinchi 1/2 finalda Namangan viloyati 3-1 hisobida andijonlik raqiblaridan ustun kelib, bugun o'tkaziladigan finalda poytaxtlik stol tennischilarga bahs olib boradigan bo'lishdi. 

1/2 final. Ayollar yo'nalishi: 

Toshkent-1 - Toshkent viloyati 3-2

Namangan - Andijon 3-1

Final. Toshkent-1 - Namangan

Erkaklar o'rtasidagi 1/2 finallarda sensaciya kuzatilmadi. Bugungi finalda Toshkent shahri hamda Toshkent viloyati vakillari o'zaro to'qnash keladi. 

1/2 final. Erkaklar yo'nalishi: 

Toshkent viloyati vs Samarqand 3-0

Toshkent-1 vs Qoraqalpog'iston Respublikasi 3-0

Final. Toshkent-1 - Toshkent viloyati