Stol tennisi: Namanganda mamlakat chempionlari aniqlandi

O'zbekiston Respublikasi Jismoniy tarbiya va sport vazirligi, Milliy olimpiya qo'mitasi hamda O'zbekiston stol tennisi federaciyasi tomonidan tashkil etilgan mazkur musobaqada yurtimizning turli hududlaridan kelgan yuz nafardan ziyod tennischi g'oliblik uchun bahs olib borishdi.

Musobaqaning yakkalik bahslarida erkaklar o'rtasida Zohid Kenjaev, ayollar orasida esa Rimma Gufranova barcha raqiblarini engib, oltin medalga sazovor bo'ldi.

Juftliklar musobaqasida I.Sultonov va A.Nosirxo'jaev tandemi o'g'il bolalar o'rtasida g'olib chiqqan bo'lsa, qizlar o'rtasida R.Gufranova hamda R.Xo'jaeva juftligi mamlakat chempioniga aylandi. Aralash juftlik bellashuvlarida Z.Kenjaev va K.Xoliqova shohsupaning eng yuqori pog'onasiga ko'tarildi.

SHuningdek, chempionat doirasida O'zbekiston stol tennisi federaciyasi tomonidan murabbiylar kengashining yig'ilishi ham o'tkazildi.

Unda joriy yilgi sport mavsumida erishilgan yutuq va kamchiliklar, murabbiylarning samaradorligi atroflicha tahlil qilindi. SHuningdek, kelasi yili Tokioda bo'lib o'tadigan Olimpiya o'yinlariga yo'llanma kiritish uchun terma jamoa azolarining mahoratini oshirish bo'yicha murabbiylarga alohida ko'rsatmalar berildi.