25 okt 13:03
Yangiliklar

Boks/MMA

Superog'ir vaznda egasiz qolgan WBA Regular kamariga davogarlar malum

Professional boksning superog'ir vazn toifasida vakant, yani egasiz bo'lib qolgan WBA Regular chempionlik kamari uchun ringga ko'tariladigan bokschilar nomi oshkor bo'ldi.

Ushbu chempionlik kamari sohibi amerikalik Jarrell Miller hamda ruminiyalik Bogdan Dinu o'rtasidagi jangdan so'ng malum bo'ladi. Doping tekshiruvdan o'ta olmagan Manuel CHarrdan WBA Regular kamari olib qo'yilgan edi.

Aslida Millerga qarshi Fres Okendo rasmiy davogar sifatida ringga chiqishi kerak edi. Lekin 4 yildan beri jang o'tkazmay kelayotgan 45 yoshli Okendo bu taklifga rad javobini berdi. Fres 17 noyabr kuni Atlantik-Siti shahrida reytingda ikkinchi o'rinni egallab turgan Millerga qarshi 500 000 dollarlik gonorar uchun ringga chiqmaslikni afzal bildi.

SHu sababli ham Okendoning o'rnini Dinu egalladi. Ruminiyalik bu bokschi WBA reytingida 9-o'rinni egallab turibdi. WBA Super, IBF va WBO chempionlik kamarlari britaniyalik Entoni Joshuaga tegishli. Amerikalik Trevor Brayan esa avgust oyida vaqtinchalik WBA chempionligini qo'lga kiritgan edi.