Suv polosi: Osiyo chempionatini g'alaba bilan boshladik

Etiborlisi, O'zbekiston ayollar terma jamoasi musobaqani g'alaba bilan boshladi. 

Guruh bosqichidagi birinchi uchrashuvni vakillarimiz Tailand terma jamoasiga qarshi o'tkazishdi. Uchrashuv kutilganidek, so'nggi soniyalarga qadar murosasiz kurashlar ostida kechdi va unda ayollar terma jamoamizning 16:13 hisobida qo'llari baland keldi.

23 mart kuni o'tkaziladigan ikkinchi turda vaterpolchilarimiz Singapur termasi bilan kuch sinashadilar. Mezbonlar bugun bo'lib o'tgan birinchi tur bahslarida qozog'istonliklarga qarshi maydonga tushib, 7:12 hisobida imkoniyatni boy berishdi.

Bugun kunning ikkinchi yarmida erkaklar o'rtasidagi musobaqaga ham start beriladi. Birinchi turda terma jamoamiz Tailand termasiga qarshi bahs olib boradi. 

Osiyo chempionati bahslari 27 martga qadar davom etadi.