07 iyu 10:09
Yangiliklar

Suv sporti turlari

Suzish. Osiyo o'yinlariga tayyorgarlik avjida

Avgust oyida Jakartada bo'lib o'tadigan Osiyo o'yinlari va oktyabrda Buenos-Ayres shahri mezbonlik qiladigan o'smirlar Olimpiya o'yinlarida suzish bo'yicha O'zbekiston terma jamoasi ham ishtirok etishi rejalashtirilgan.

Ushbu nufuzli sport musobaqalariga munosib tayyorgarlik ko'rish maqsadida kattalar va yoshlar terma jamoalari o'quv-mashg'ulot yig'inlari o'tkazmoqdalar. 21 may kuni Navoiy shahrida boshlangan mashg'ulotlarda murabbiylar Ravshan Karimov va Dmitriy Cuckaryovlar terma jamoamiz azolarini oldinda turgan nufuzli musobaqalarga har tomonlama tayyorlamoqdalar. Tayyorgarlikning ushbu bosqichi 13 iyun kuni yakuniga etdi.

SHundan so'ng suzuvchilarimiz 15-22 iyun kunlari Riga (Latviya) shahrida bo'lib o'tadigan xalqaro turnirga jo'nab ketishadi. Ushbu xalqaro turnir Indoneziya va Argentinada bo'lib o'tadigan nufuzli musobaqalar uchun tayyorgarlikning navbatdagi bosqichi vazifasini bajaradi.