Tabriklaymiz. Qudratillo Abduqahhorov 30 yoshda!

Mustaqillik farzandi hisoblangan charm qo'lqop ustamiz 1993 yil 29 avgust kuni Andijon viloyatining Qo'rqontepasida dunyoga kelgan. Boks bilan 7 yoshida shug'ullanishni boshlagan. Professional boksdagi debyu jangini 2015 yilning 18 oktyabr kuni Timur Smirnovga qarshi o'tkazib, raqibini texnik nokautga uchratgan edi. 

Bugungi kun qahramoni The Punisher laqabi ostida yarimo'rta vazn toifasida o'z janglarini o'tkazib kelyapti. U ikki kundan so'ng, 31 avgust kuni Moskvada navbatdagi jangida ringga ko'tariladi. O'sha kuni unga rossiyalik Magomed Madiev raqiblik qiladi. Jang 8 raunddan iborat bo'ladi. 

Bu Abduqahhorov uchun prof faoliyatidagi 21-jang bo'ladi. Hisobida 18 ta g'alaba bor. Yorqin g'alabalari qatorida sobiq jahon chempioni Luis Kollaconi mag'lub etganini aytish o'rinli bo'ladi.

Caytimiz ijodkorlari va o'quvchilari nomidan bugun tavallud ayyomini nishonlayotgan Qudratillo Abduqahhorovni unutilmas kun bilan muborak etamiz. Uning faoliyatida faqat g'alabali onlar, hayotida quvonchli kunlar ko'p bo'lishini tilaymiz.