Taekvondo. 2025 yilgi Jahon chempionati mezboni elon qilindi

Butunjahon taekvondo associaciyasi musobaqa mezbonligini Xitoyning Usi shahriga topshirdi.

Aslida, 2021 yilgi Jahon chempionati Usi shahrida o'tkazilishi kerak edi, biroq COVID-19 pandemiyasi tufayli ushbu musobaqa bekor qilingan edi. Endilikda taekvondo olamidagi ushbu yirik shahar 2025 yilgi mundialni o'zida qabul qiladigan bo'ldi.

Eslatib o'tamiz, kattalar o'rtasidagi so'nggi Jahon chempionati 2023 yilning 29 may - 6 iyun kunlari Ozarbayjonning Baku shahrida o'tkazilgandi. Ushbu musobaqada terma jamoamiz 1 ta kumush va 3 ta bronza medalini qo'lga kiritgan edi.