08 avg 14:02
Yangiliklar

Taekvondo

Taekvondo. Ikki sportchimiz 1/8 final jangini yakunladi

Poytaxtimizda taekvondo bo'yicha kadetlar o'rtasida jahon chempionati davom etmoqda.

Avvalroq, musobaqada ikki sportchimiz chorak finalga yo'l olgani, yana ikki nafari 1/8 finalda jang qilishi haqida xabar qilgandik.

Biroz avval, musobaqada 1/8 final janglari nihoyasiga etdi.

Qizlar o'rtasida -47 kg vazn toifasida yurtimiz sharafini himoya qilgan Sitora Muhammad G'ulom Rasul nimchorak finalda qozog'istonlik Mariya Sevostyanovaga qarshi jang qilib, 19:30 hisobida yutqazib qo'ydi.

O'g'il bolalar o'rtasida -53 kg vazn toifasida 1/8 final jangini o'tkazgan Samandar Hamdamov esa bolgariyalik Denis Dimitrovga 3:51 hisobida mag'lub bo'ldi.

Birozdan so'ng, Laylo Zayniddinova (-41 kg) va Muhammadamin Aliev (-33 kg) yarim final yo'llanmasi uchun jang olib borishadi.