Taekvondo ITF: O'zbekiston chempionatida g'olib va sovrindorlar aniqlandi

Ushbu musobaqa O'zbekiston Respublikasi davlat mustaqilligining 31 yilligiga bag'ishlab “Yangi O'zbekistonda el aziz, inson aziz” shiori ostida tashkil etildi. Musobaqaga Farg'ona shahridagi “Samo” ko'p tarmoqli sport majmuasi mezbonlik qildi.

Mamlakat chempionatida o'smirlar va yoshlar taekvondo ITFning shaxsiy massogi yo'nalishi bo'yicha o'zaro bahslashdi. Musobaqada respublikamizning barcha hududlaridan yig'ilgan 1 300 nafardan ortiq sportchi g'oliblik uchun dayanga chiqdi.

Qizg'in va murosasiz kechgan musobaqada umumjamoa hisobida g'olib va sovrindor bo'lgan jamoalar bilan tanishing:

1. Toshkent viloyati

2. Buxoro viloyati

3. Namangan viloyati

Sport maktablari o'rtasidagi O'zbekiston chempionatida turli yosh toifalari bo'yicha terma jamoa azolari yana bir bor ko'rikdan o'tkazilib, eng munosiblar shu yil 4-9-oktyabr kunlari Argentinada bo'lib o'tadigan Jahon kubogi hamda 23-26-dekabr kunlari AQSHning Florida shtatida bo'lib o'tadigan xalqaro turnirga saralab olindi.