08 avg 15:48
Yangiliklar

Taekvondo

Taekvondo. Jahon chempionatida dastlabki medalni qo'lga kiritdik! + FOTOGALEREYA

Poytaxtimizdagi "Universal" sport saroyida taekvondo bo'yicha kadetlar o'rtasidagi jahon chempionati davom etmoqda.

Biroz avval O'zbekiston terma jamoasi azolari mazkur jahon chempionatidagi dastlabki medalni qo'lga kiritishdi. Musobaqada -33 kg vazn toifasida yurtimiz sharafini himoya qilgan Muhammadamin Aliev yarim finalda ukrainalik Maksim Manenkovga qarshi jang qildi.

Kuchli raqibga qarshi keskin kechgan jangda sportchimiz afsuski 17:31 hisobida imkoniyatni boy berdi va yakunda bronza medali sohibiga aylandi.

Muhammadaminning ushbu medali terma jamoamizning ushbu jahon chempionatidagi dastlabki medali hisoblanadi.

Eslatib o'tamiz, u musobaqa davomida bungacha Buyuk Britaniya, Filippin va SHveciya vakillarini mag'lubiyatga uchratgandi.

Suratlar muallifi - Jahongir Fayzullaev